მთაწმინდის მამადავითის ეკლესია

მამადავითის გუმბათოვანი ტაძარი მთაწმინდის შუაწელზეა აღმართული და 1859-1871 წლებით თარიღდება. ეკლესია წმიდა დავით გარეჯელის სახელობისაა — იმ ასურელი მამისა, რომელიც ამ მთაზე დაყუდდა.

ეკლესია აგურითაა ნაშენი. გარედან ჯვარგუმბათოვანი ფორმა აქვს, თუმცა ეს სტრუქტურა შიდა სივრცეში არ აისახება, როგორც ეს შუა საუკუნეების ქართული არქიტექტურისთვისაა დამახასიათებელი. საერთო ასახულობით ტაძარს ქართული ხუროთმოძღვრების ელფერი დაჰკრავს: გუმბათის ყელი, მრავალწახნაგა სახურავი, შვერილი ნახევარწრიული აფსიდა და ფრონტონები.

საკურთხევლის ნახევრადწრიულად შვერილ აბსიდზე, მრგვალი სარკმლის ქვეშ, აგურის წყობაშია ჩართული მოწითალო ქვის მაღალი ჯვარი. ტაძრის სიმაღლე 25,7 მეტრია, სიგრძე — 17,2, სიგანე — 10,7.

ეკლესიის გვერდით მწერალთა და საზოგადო მოღვაწეთა პანთეონია.