წმინდა დიონისე არეოპაგელი, ბიზანტიური ხატი

ხსენების დღე: 3 (16) ოქტომბერი

ეს წმინდანი ათენიდან იყო, განსწავლული კაცი და მარსის ბორცვის (ბერძნ. არეოპაგი) ცნობილი სასამართლოს წევრი, საიდანაც მიიღო სახელი არეოპაგელი. როცა წმინდა პავლე ათენში ქადაგებდა, ის პირველთაგანი იყო, ვინც ქრისტე ირწმუნა, და, ზოგის აზრით, ამ ქალაქის პირველი ეპისკოპოსი გახდა. სხვები ამბობენ — და ეს უფრო სარწმუნოა — რომ ის ათენის მეორე ეპისკოპოსი იყო წმინდა იეროთეოსის შემდეგ, რომელსაც დიონისე თავის მეგობარსა და მოძღვარს „პავლეს შემდეგ“ უწოდებს. წმინდა იეროთეოსთან ერთად ის ყოვლადწმინდა ღვთისმშობლის მიძინებასაც ესწრებოდა; მიძინების მსახურების სტიქარონთა დიდების საგალობელი ნაწილობრივ მისი თხზულების „ღვთაებრივ სახელთა შესახებ“ მესამე თავიდანაა აღებული. ძველი გადმოცემით, ის მოწამეობრივად აღესრულა (ზოგის აზრით, თავად ათენში) დაახლოებით 96 წელს.