ხელნაკეთი ბიზანტიური ხატი: წმინდა გრიგოლი ნოსელი.
წმინდა გრიგოლი 332 წელს პონტოს ნეოკესარიაში დაიბადა და წმინდა ბასილი დიდის ძმა იყო. ძმის მსგავსად სწავლობდა და სათნოებით გამოირჩეოდა, რამაც ის ნოსის ეპისკოპოსობამდე მიიყვანა.
რადგან არიანელებს უპირისპირდებოდა, ცრუდ დაადანაშაულეს ფულისა და ძალაუფლების ბოროტად გამოყენებაში, რის გამოც რამდენიმე წლით კათედრის დატოვება მოუწია. დაბრუნებისას ნოსელმა მორწმუნეებმაც და თანამოსაყდრეებმაც ის დიდი პატივით მიიღეს.
წმინდა გრიგოლმა ღვთისმეტყველებითი მნიშვნელობის შესანიშნავი მემკვიდრეობა დატოვა და „მამათა მამა“ ეწოდა.
წმინდა გრიგოლ ნოსელის ტროპარი
კანონად სარწმუნოებისა და ხატად სიმშჳდისა და მოძღურად მარხვისა გამოგაჩინა შენ სამწყსოჲსა შენისა ჭეშმარიტებამან საქმეთამან; ამისთჳს მოიგე სიმდაბლითა სიმაღლჱ და სიგლახაკითა სიმდიდრჱ, მამაო მღდელთმთავარო გრიგოლ, ევედრე ქრისტესა ღმერთსა ცხოვნებად სულთა ჩუენთა.
ხატი „წმინდა გრიგოლი ნოსელი“ ბიზანტიური ხელოვნების ზუსტი ასლია. გამოცდილი ოსტატები მას ოქროთი ბეჭდვის მეთოდით ქმნიან: ფონი 22-კარატიანი ოქროს ხატწერის ფურცლებით დეტალურად იფარება.
საბოლოო დამუშავებისას ხატი პერიმეტრზე მუქი წითლით იღებება და სპეციალური ლაქით იპრიალება, რათა ბზინვარება შეინარჩუნოს.
იგი იწარმოება ბრტყელ ან ჩაღრმავებულ ხის ფუძეზე და კედელზე დასაკიდებლად არის მორგებული.
გადიდება
