წმინდა სპირიდონი, ვერცხლის ხატი

ხსენების დღე: 12 (25) დეკემბერი

წმინდა სპირიდონი, ეკლესიის ღმერთშემოსილი მამა, კორფუს დიდი მფარველი და ყოველი მართლმადიდებლის სიქადული, წარმოშობით კვიპროსელი იყო. ის ხასიათით უბრალო და გულით მდაბალი იყო. ცოლი რომ შეირთო, მისგან ქალიშვილი შეეძინა, რომელსაც ირინე დაარქვეს. მეუღლის ამ ცხოვრებიდან წასვლის შემდეგ ის ტრიმითუნტის ეპისკოპოსად დაადგინეს. როცა ნიკეაში პირველი მსოფლიო კრება შეიკრიბა, ისიც იქ იმყოფებოდა და თავისი უბრალო სიტყვებით თავის თავში ბრძენ არიანელებს პირი დაუხშო. მასში დამკვიდრებული ღვთის მადლით მან იმდენად დიდი სასწაულები აღასრულა, რომ სასწაულთმოქმედის სახელი მიიღო. ასე, თავისი სამწყსო ღვთისმოსაობით და ღვთისსათნოდ რომ დამწყსა, დაახლოებით 350 წელს უფალში განისვენა და თავის ქვეყანას წმინდა ნაწილები დაუტოვა მორწმუნეთა ნუგეშად და კურნების წყაროდ.