Молитва о болящих
Един скорый заступник Ты еси, Христе: скорое свыше покажи посещение Твое на страждущем рабе Твоем, и избави от недугов и горьких болезней, и воздвигни во еже пети Тя и славити непрестанно, молитвами Богородицы, Едине Человеколюбче.
Слава Отцу и Сыну и Святому Духу.
На одре болезни лежащего и смертною раною уязвленного, как некогда воздвиг Ты, Спасе, тещу Петрову и расслабленного, на одре носимого, так и ныне, Милосерде, посети страждущего и исцели, ибо Ты един немощи и болезни рода нашего понес и все можешь, как Многомилостивый.
И ныне и присно и во веки веков. Аминь.
Владыко Вседержителю, Врачу душ и телес наших, смиряющий и возносящий, наказующий и паки исцеляющий! Посети милостью Твоею болящих братий наших сих, простри мышцу Твою невидимую, исполненную облегчения и исцеления. Исцели рабов Твоих сих (имена), и воздвигни их от одра болезни, и запрети духу немощи, и отстави от них всякую язву, всякую болезнь, всякий удар и всякий огонь или трясение; и если есть на них грех или беззаконие, ослабь, оставь, прости ради человеколюбия Твоего. Ей, Господи, пощади создание Твое о Христе Иисусе, Господе нашем, Ему же слава со Всесвятым, Благим и Животворящим Духом, ныне и присно и во веки веков. Аминь.
