Молитва перед вкушением пищи
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Богородице Дево, радуйся, Благодатная Марие, Господь с Тобою; благословенна Ты в женах и благословен плод чрева Твоего, яко Спаса родила еси душ наших.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды),
Царю Небесный, благослови нас.
(И осени крестным знамением пищу и питие)
Благодарим Тебя, Христе Боже наш, яко насытил еси нас земных Твоих благ; не лиши нас и Небеснаго Твоего Царствия, но яко посреде учеников Твоих пришел еси, Спасе, мир даяй им, прииди к нам и спаси нас. Аминь.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем. Молитва святителя Иоанна Златоуста после вкушения пищи
Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды),
Царю Небесный, благослови нас.
Благословен еси, Боже, питающий меня от юности моей, дающий пищу всякой плоти. Исполни радости и веселия сердца наши, дабы мы, всегда во всем всякое довольство имея, преизобиловали во всякое благое дело, о Христе Иисусе, Господе нашем, с Которым Тебе слава, честь и держава, со Святым Духом, во веки веков. Аминь.
Слава Тебе, Господи, слава Тебе, Святый, слава Тебе, Царю, яко дал еси нам брашна в пищу и укрепление. Молим Тебя, исполни нас Духа Святаго, да обрящемся пред Тобою благоугодны и не постыдимся, егда воздаси комуждо по делом его.
