Андрей Критский
Ирмос: Помощник и Покровитель бысть мне во спасение, Сей мой Бог, и прославлю Его, Бог отца моего, и вознесу Его: славно бо прославися.
Помилуй мя, Боже, помилуй мя.
Агнче Божий, вземляй грехи всех, возми бремя от мене тяжкое греховное и, яко благоутробен, даждь ми слезы умиления.
Помилуй мя, Боже, помилуй мя.
Тебе припадаю, Иисусе, согреших Ти, очисти мя, возми бремя от мене тяжкое греховное и, яко благоутробен, даждь ми слезы умиления.
Помилуй мя, Боже, помилуй мя.
Не вниди со мною в суд, носимая моя деяния, словеса изыскуя и исправляя стремления; но в щедротах Твоих, презирая моя лютая, спаси мя, Всесильне.
Помилуй мя, Боже, помилуй мя.
Покаяния время, прихожду Тебе, Создателю моему: возми бремя от мене тяжкое греховное и, яко благоутробен, даждь ми слезы умиления.
Помилуй мя, Боже, помилуй мя.
Богатство мое, Спасе, изнурив в блуде, пуст есмь плодов благочестивых, алчен же зову: Отче щедрот, предварив, Ты ущедри мя.
Преподобная мати Марие, моли Бога о нас.
Божественнаго Христова закона заповеди привлекши, тем плотская сладости оставь и все добродетели благих дел, как един, исправь.
Слава Отцу и Сыну и Святому Духу.
Пресущная Троице, во Единице покланяемая, возми бремя от мене тяжкое греховное и, яко благоутробна, даждь ми слезы умиления.
И ныне и присно и во веки веков. Аминь.
Богородице, надеждо всех поющих Тя, возми бремя от мене тяжкое греховное и, яко Человеколюбица, даждь ми слезы покаяния.
Ирмос: Видите, видите, яко Аз есмь Бог, манну одождивый и воду из камене источивый древле в пустыни людем Моим, десницею единою и крепостию Моею.
Помилуй мя, Боже, помилуй мя.
Мужа убих, глаголет, в язву мне, и юношу в струп, Ламех, рыдая, вопияше; ты же не трепещеши, о душе моя, окалявши плоть и ум оскверньши.
Помилуй мя, Боже, помилуй мя.
Столп умудрися создати, душе, и твердыню водрузити твоими похотьми, аще не Зиждитель удержал бы советы твоя и низринул бы на землю ухищрения твоя.
Помилуй мя, Боже, помилуй мя.
О, како поревновах Ламеху, первому убийце, душу, яко мужа, ум, яко юношу, яко брата же моего, тело мое убив, яко Каин убийца, любосластными стремленьми и безстрашием.
Помилуй мя, Боже, помилуй мя.
Одожди Господь от Господа огнь иногда, беззаконию гневающуся, содомляны попаливый; ты же огнь возжгла еси геенский, в немже имаши, о душе, сжигатися.
Помилуй мя, Боже, помилуй мя.
Уязвихся, прободохся, се, стрелы вражия уязвившыя мою душу и тело; се, струпи, гноения, омрачения вопиют, раны самовольных моих страстей.
Преподобная мати Марие, моли Бога о нас.
Руце простерла еси ко щедрому Богу, Марие, в бездне зол погружаемая; и якоже Петру, человеколюбно руку Божественную простре тебе, всячески обращение твое ищай.
Слава Отцу и Сыну и Святому Духу.
Безначальная, несозданная Троице, нераздельная Единице, кающагося мя приими, согрешшаго спаси, Твое есмь создание, не презри, но пощади и избави мя огненнаго осуждения.
И ныне и присно и во веки веков. Аминь.
Пречистая Богородице, надеждо к Тебе притекающих и пристанище обуреваемых, милостиваго и Творца и Сына Твоего умилостиви и мне молитвами Твоими.
Ирмос: Утверди, Господи, на камени заповедей Твоих подвигшееся сердце мое, яко Един Свят еси и Господь, Един сильный, праведный и святый.
Помилуй мя, Боже, помилуй мя.
Агари, душе, древле египтяныни уподобилася еси, поработившися произволением и родивши новаго Измаила — презорство.
Помилуй мя, Боже, помилуй мя.
Иаковлю лествицу разумела еси, душе моя, являемую от земли к небесем: почто не имела еси восхода твердаго — благочестия?
Помилуй мя, Боже, помилуй мя.
Священника Божия и царя уединенна, Христова подобия, в мире в человецех, Мелхиседека, подражай благозаконным житием, о душе.
Помилуй мя, Боже, помилуй мя.
Обратися, воздохни, о окаянная душе, прежде даже жития конец не приимет торжество, прежде даже дверь чертога Господь не затворит.
Помилуй мя, Боже, помилуй мя.
Не буди столп сланый, душе, возвратившися вспять, образ да устрашит тя содомский, горе в Сигор спасайся.
Помилуй мя, Боже, помилуй мя.
Моления сего поющих Тебе, Владыко, не отвратися, но помилуй нас, Человеколюбче, и даруй сим, с верою просящим, прегрешений прощение.
Слава Отцу и Сыну и Святому Духу.
Троице простая, несозданная, безначальное естество, в трех Лицах познаваемая, спаси нас, верою покланяющихся державе Твоей.
И ныне и присно и во веки веков. Аминь.
От Отца безлетна Сына в лето, Богородице, безмужно родила еси, странное чудо, пребывши Дева доящи.
Ирмос: Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: услышах слух Твой и убояхся, слава силе Твоей, Господи.
Помилуй мя, Боже, помилуй мя.
Мало время живота моего и исполнено болезней и лукавства, но в покаянии мя приими и в разум призови, да не буду стяжание, ниже брашно чуждему, Спасе, Сам мя ущедри.
Помилуй мя, Боже, помилуй мя.
Царским достоинством, венцем и багряницею одеян, многоимений человек и праведный, богатством кипя и стады, внезапу богатства, славы царства обнищав, пресельник бысть.
Помилуй мя, Боже, помилуй мя.
Аще он праведен бе и непорочен паче всех, и не убеже сетей льстиваго и рова, ты же грехолюбивая сущи, окаянная душе, что сотвориши, аще чесому от невиданных случится приключитися тебе?
Помилуй мя, Боже, помилуй мя.
Высокоглаголив ныне есмь, жесток же и сердцем, всуе и вотще, да не с фарисеем осудиши мя; паче же мытарево смирение подаждь ми, едине Щедре, Правосуде, и сему мя сочисли.
Помилуй мя, Боже, помилуй мя.
Вем, Щедре, согреших, оскверних тела моего сосуд; но в покаянии мя приими и в разум призови, да не буду стяжание, ниже брашно чуждему, Спасе, Сам мя ущедри.
Помилуй мя, Боже, помилуй мя.
Самокумир быв страстьми, душу мою повредих, Щедре, но в покаянии мя приими и в разум призови, да не буду стяжание, ниже брашно чуждему, Спасе, Сам мя ущедри.
Помилуй мя, Боже, помилуй мя.
Не послушах гласа Твоего, преслушах Писание Твое, Законоположника; но в покаянии мя приими и в разум призови, да не буду стяжание, ниже брашно чуждему, Спасе, Сам мя ущедри.
Преподобная мати Марие, моли Бога о нас.
В велицех и неизреченных волнах одержима была еси; но ты все сие отвергла еси от себе, ибо благим произволением возшла еси к лучшему и подвиг добрый стяжала еси, и прославлена была еси от Ангелов, преподобная мати Марие.
Слава Отцу и Сыну и Святому Духу.
Нераздельно существом, неслитно лицы богословлю Тя, Троическое едино Божество, яко единоцарственное и сопрестольное, вопию Ти песнь великую, в вышних трегубо песнословимую.
И ныне и присно и во веки веков. Аминь.
И раждаеши, и девствуеши, и пребываеши обоюду естеством Дева; Рождейся обновляет законы естества, утроба же раждает нерождающая: Бог идеже хощет, побеждается естества чин, творит бо, елика хощет.
Ирмос: От нощи утренююща, Человеколюбче, просвети, молюся, и настави и мене на повеления Твоя, и научи мя, Спасе, творити волю Твою.
Помилуй мя, Боже, помилуй мя.
Прииди и припади, душе, к ногам Спаса, яко слякшаяся, да паки исправит тя, и ходиши право стези Господни.
Помилуй мя, Боже, помилуй мя.
Бездна еси неизмеримая милости, Спасе; сего ради молю Тя: напой мя от нетленных Твоих источников, Господи, да пию, как самаряныня, и не вжаждуся.
Помилуй мя, Боже, помилуй мя.
Силоам да будут ми, Боже, струи слез моих, да омыю и аз очи сердечныя и узрю Тя умно, Свет превечный.
Преподобная мати Марие, моли Бога о нас.
Несравненным желанием, всебогатая, древо возжелавши поклонитися животное, сподобилася еси желания; сподоби убо и мене улучити горнюю славу, преподобная мати.
Слава Отцу и Сыну и Святому Духу.
Тя, Троице, славим, единаго Бога: Свят, Свят, Свят еси, Отче, Сыне и Душе, простое Существо, Единице присно покланяемая.
И ныне и присно и во веки веков. Аминь.
Из Тебе оболчеся в мое смешение Зиждитель, нетленная Дево и Мати, Иже сотворивый веки и соединивый Божество естеству человеческому.
Ирмос: Возопих всем сердцем моим к щедрому Богу, и услыша мя от ада преисподняго, и возведе от тли живот мой.
Помилуй мя, Боже, помилуй мя.
Аз есмь, Спасе, юже погубил еси древле царскую драхму; но возжег светильник, Предтечу Твоего, Слове, взыщи и обрящи Твой образ.
Помилуй мя, Боже, помилуй мя.
Ополчися и побори плотския страсти, как Иисус Амалика, и Гаваониты, лестные помыслы, всегда побеждающи.
Преподобная мати Марие, моли Бога о нас.
Да угасиши пламень страстей, капли слез источала еси присно, Марие, душею распаляема, ихже благодать подаждь и мне, твоему рабу.
Преподобная мати Марие, моли Бога о нас.
Безстрастие небесное стяжала еси крайним на земли житием, мати; темже тебе поющым страстей избавитися молитвами твоими моли.
Слава Отцу и Сыну и Святому Духу.
Троица есмь проста, нераздельна, раздельна личне, и Единица есмь естеством соединена, Отец глаголет, и Сын, и Божественный Дух.
И ныне и присно и во веки веков. Аминь.
Утроба Твоя, Невесто, Бога нам роди, вообразившагося по нам: Егоже, яко Виновника всех, моли, Богородице, о спасении нашем.
Душе моя, душе моя, востани, что спиши? Конец приближается, и имаши смутитися. Воспряни убо, да пощадит тя Христос Бог, везде сый и вся исполняяй.
Ирмос: Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам, но не предаждь нас до конца, отцев Боже.
Помилуй мя, Боже, помилуй мя.
Изчезоша дние мои, яко соние востающаго; темже, яко Езекия, слезю на ложи моем, приложитися мне летом живота; но кий Исаия предстанет тебе, душе, аще не всех Бог?
Помилуй мя, Боже, помилуй мя.
Припадаю Ти и приношу Тебе, якоже слезы, глаголы моя: согреших, якоже не согреши блудница, и беззаконновах, якоже ин никтоже на земли; но ущедри, Владыко, творение Твое.
Помилуй мя, Боже, помилуй мя.
Погребох Твой образ и растлих заповедь Твою, вся помрачися доброта, и страстьми угасися, Спасе, свеща; но ущедрив, возвратиши ми, якоже поет Давид, радость.
Помилуй мя, Боже, помилуй мя.
Обратися, покайся, открый сокровенная, глаголи Богу, вся ведущему: Ты веси моя тайная, Едине Спасе; но Сам мя помилуй, якоже поет Давид, по милости Твоей.
Преподобная мати Марие, моли Бога о нас.
Возопивши ко Пречистей Богоматери, прежде отринула еси неистовство страстей, досаждающих люте, и посрамила еси врага запинающаго; но даждь ныне помощь от скорби и мне, рабу твоему.
Преподобная мати Марие, моли Бога о нас.
Егоже возлюбила еси, Егоже возжелала еси, егоже ради плоть изнурила еси, преподобная, моли ныне Христа о рабех: яко да милостив быв всем нам, мирное состояние подаст чтущим тя.
Слава Отцу и Сыну и Святому Духу.
Простую и нераздельную, единосущно покланяемую, воспеваемую святыми, Свет и Светы, трисвятую Троицу Бога, Живот и Животы, прослави, душе, и единому Божеству послужи.
И ныне и присно и во веки веков. Аминь.
Поем Тя, покланяемся Тебе и благословим Тя, Богородице, яко Единаго от Святыя Троицы родила еси, Христа Бога, совершенна и истинна, и Ты отверзла еси нам, сущим на земли, входы небесныя.
Ирмос: Егоже воинства небесная славят, и трепещут херувими и серафими, всяко дыхание и тварь, пойте, благословите и превозносите во вся веки.
Помилуй мя, Боже, помилуй мя.
Алавастр слез, яко миро, возливаю на главу Твою; вопию, яко блудница, ищу утешения и молитву приношу во оставление прегрешений моих.
Помилуй мя, Боже, помилуй мя.
Аще и никтоже согреши якоже аз, но обаче помилуй мя, сладчайший Спасе, страхом кающагося и трепетом зовуща: согреших Ти, ущедри мя, Многомилостиве.
Помилуй мя, Боже, помилуй мя.
Милостив буди, Спасе, созданию Твоему и, яко Пастырь, обрящи мя погибшаго, предвари заблуждшаго, избави мя от зверей и сопричти мя ко овцам стада Твоего.
Помилуй мя, Боже, помилуй мя.
Егда сядеши судити, яко милостив, и явится высокая слава Твоя, коликий страх будет тогда, пещи ревущей и всем трепещущим от ужаса престола Твоего!
Преподобная мати Марие, моли Бога о нас.
Свет незаходимый просвети тя, мати, и от тьмы страстей избави; темже, благодать духовную приемши, на небо восхищена быв, просвети и нас, Марие, хвалящих тя.
Преподобная мати Марие, моли Бога о нас.
Чудо новое видев, ужасеся Зосима, мати: ибо благодать Божия в тебе воистину совершися, и во плоти ангела зряше тя, и убояся, и пояше Христа во веки.
Слава Отцу и Сыну и Святому Духу.
Боже Отче, и Соприсносущный Сыне, и Утешителю Душе праве, Отче нерожденный, и Слове рожденный, Душе же исходящий, Троице во Единице, спаси мя.
И ныне и присно и во веки веков. Аминь.
Яко от червленицы, Пречистая, мысленная багряница Еммануилева внутрь во чреве Твоем плоть состкася; темже Богородицу воистину Тя почитаем.
Ирмос: Без семене зачавшая раждает паче словесе, без мужа Мати зачинает нетленно, ибо Божие рождение изменяет естества уставы; темже Тя вси роди, Невесто и Мати Божия, немолчно величаем.
Помилуй мя, Боже, помилуй мя.
Милостивно призри на мя, Сыне Божий, и спаси мя, иже словом изгонял еси бесы, и глагол желанный рцы мне, яко разбойнику: аминь глаголю тебе, со Мною будеши в раи Моем, егда паки прииду во славе.
Помилуй мя, Боже, помилуй мя.
Разбойник хуляше Тя, и разбойник Богом Тя нарицаше, оба бо с Тобою распята бяху; но, Спасителю мой, и мне, подобно верному оному, иже Тя Бога позна, отверзи двери Царствия Твоего, Сладчайший.
Помилуй мя, Боже, помилуй мя.
Тварь смятеся, распинаема Тя видящи; горы и камение страхом расседахуся, земля потрясеся, и ад опустошися, и помрачися свет солнца, егда крестом страждуща видеша Создателя своего.
Помилуй мя, Боже, помилуй мя.
Покаяния достойных плодов не изыщи от мене, Спасе, ибо крепость моя оскуде во мне; но даруй ми сердце сокрушенное и нищету духовную присно, да сия принесу Ти, яко приятную и благоугодную жертву.
Помилуй мя, Боже, помилуй мя.
Судие мой, Судие, иже паки грядый судити миру, милостивым оком призри на мя, Спасе, паче всякаго естества человеческаго безумием согрешшаго пред Тобою.
Преподобная мати Марие, моли Бога о нас.
Всех удивила еси странным житием твоим, ангельские чины и человеческие соборы: ибо невещественным житием естество превзошла еси, имже, яко невещественными ногами, прешла еси, Марие, и реку Иорданскую.
Преподобная мати Марие, моли Бога о нас.
Умилостиви Создателя о хвалящих тя, преподобная мати, во избавление наше от зол, скорбей и страстей находящих и напастей окрестных, да непрестанно величаем тя, возвеличившую Господа.
Преподобне отче Андрее, моли Бога о нас.
Андрее, треблаженне отче, пастырю Критский, моли о нас, тепле воспевающих тя, да избавимся гнева, скорби и безчисленных прегрешений, иже верою призываем тя.
Слава Отцу и Сыну и Святому Духу.
Отцу поклонимся, Сына превознесем и Духа праваго верою восхвалим, Троицу в Лицах и Единицу по существу, яко Свет и Светы, и Живот и Животы, животворящую всех.
И ныне и присно и во веки веков. Аминь.
Град Твой сохраняй, нетленная Богородице, иже Тобою божественно царствует, Тобою имать силу и Тобою побеждает враги, превыше искушений бывает, ратники отражает и управляет подвластными своими.
Первые шесть песней канона четверга снова возвращаются к древнейшей истории: к убийству человека Ламехом, уподобленному злому делу Каина, к рождению Измаила от египтянки Агари и, в противоположность злу, — к лествице, возведенной Иаковом на небо, и к Мелхиседеку как образу «законной жизни». Здесь еще раз обозначается следствие беззаконной жизни; для души, обратившейся к покаянию, уже не должно быть ни прежних грехов, ни оглядки назад: «Не буди столп сланый, душе, возвратившися вспять, образ да устрашит тя содомский» (четверг, песнь 3).
Здесь появляется и образ самарянки. Утратил я всякий Божий дар: «осквернил я храм плоти моея, омрачил образ и подобие, имже почтен бых; помрачил светлость души сластьми страстей и в землю обратил ум; раздрал одежду мою первую, юже ми изатка Бог исперва, и лежу наг». — Вот основной плач грешной души.
Во все четыре дня в канон включается один и тот же кондак «Душе моя…», в котором человек призывает собственную душу к бодрствованию и подвигу, а в конце канона поется тропарь святому Андрею Критскому.
Так в течение четырех вечеров девять песней канона снова и снова повествуют о духовной истории человечества, которая вместе с тем есть и история нашей души: душа каждого человека — единственная и неповторимая — проходит путь одного и того же искушения, стоит перед одним и тем же выбором, встречает ту же высшую и важнейшую реальность;
понятие «греха» в библейском и христианском предании обладает такой глубиной и полнотой, которую современный человек постичь не в силах, и потому исповедание грехов в каноне весьма отличается от современной христианской действительности.
Грех — это падение человека с безграничной духовной высоты, его отказ от собственного высшего призвания. Хотя нынешний мир явно Бога не отвергает, он все же по большей части материалистичен и потому рассматривает жизнь человека лишь исходя из материального благополучия. Грех в нем понимается прежде всего как естественная слабость, которая будет искоренена лучшим социальным и экономическим устройством. Поэтому современный человек, даже если и признает свои грехи, покаяния не переживает. Он либо формально перечисляет грехи и нарушенные им правила, либо беседует со священником о своих проблемах и ищет у религии своего рода терапии, лечения. Весьма редко бывает покаяние, исходящее из глубин человеческого сознания.
Значение и цель Великого канона состоят именно в том, чтобы явить перед нами грех и привести нас к покаянию. Канон обнаруживает в нас грех не перечислением и подсчетом, а глубоким созерцанием библейской истории, которая поистине есть история греха, покаяния и прощения. Это созерцание приводит нас к совершенно иной духовной культуре. Оно побуждает нас принять совсем иное понимание человека, его жизни, его цели, его духовных побуждений. Канон восстанавливает в нас то духовное мироощущение, в глубине которого покаяние вновь становится возможным. Когда мы слышим, например: «Увы, окаянная душе, что уподобилася еси первой Еве? Ибо воззрела еси и уязвилася еси горько, и коснулася еси древа и вкусила еси дерзостно смертоносныя снеди».
мы понимаем, что история первого жертвоприношения, столь кратко упомянутая в Библии, открывает нам нечто глубоко коренное в нашей собственной жизни, в самом человеке. Мы понимаем, что грех — это прежде всего отказ от жизни для Бога. Здесь мы постигаем, что наша любовь уклонилась от Высшего Существа, и это постижение позволяет нам произнести слова, столь далекие от опыта современной жизни и звучащие с величайшей правдой: «Ум горько уязвися, плоть расслабе и изнеможе, недугует дух, изнеможе слово, начертана есть жизнь и смерть на человецех…»
Чтобы по-настоящему услышать Великий канон, конечно, необходимо знание Библии и умение усвоить значение библейских образов. В наше время большинство считает их скучными и не связывает с жизнью; мы должны заново научиться принимать мир таким, каким он открывается в Библии, научиться жить в этом библейском мире, и для этого нет лучшего средства, чем церковное богослужение, которое не только передает нам библейское учение, но и являет библейский строй жизни. Вот почему путь поста начинается с возвращения к исходной точке — к сотворению мира, грехопадению, искуплению, — с возвращения в тот мир, где все говорит нам о Боге, все отражает славу Божию, где все происходящее, всякое событие непосредственно связано с Богом, где человек находит истинную меру своей жизни и вступает на путь покаяния.
Подготовила Тинатин Гогичаишвили, газета «Вестник Патриархии», № 8, 2006 г.
