12 апреля Воскресенье

Этот текст пока только на грузинском

შენიშვნა 1)სადღესასწაულო ღმრთისმსახურება იწყება ეკლესიის ირგვლივ ლიტანიობით, რომლის დროს იგალობება: „აღდგომასა შენსა, ქრისტე მაცხოვარ, ანგელოზნი უგალობენ ცათა შინა, და ჩუენცა ქუეყანასა ზედა ღირს მყვენ წმიდით გულით დიდებად შენდა“. ლიტანიის შემდეგ იწყება „განგება პირველ ცისკრისა“ ეკლესიის კარიბჭესთან. ასამაღლებლის შემდეგ ითქმის „ქრისტე აღდგა“, საგანგებო ჩასართავებით, და პასექის გალობანი. ცისკრის განგებას მოჰყვება ჟამობა პასექის წესით. საპასექო ჟამობა შედგება მხოლოდ სააღდგომო საგალობლებისაგან, და ტექსტობრივად ერთნაირია პირველი, მესამე და მეექვსე ჟამები, რომელთაც მოჰყვება: ამბიონის ლოცვის შემდეგ – არტოსის კურთხევა. შენიშვნა 2)ჟამობა პასექის წესით, ნაცვლად შუაღამიანისა, I, III, VI, IX და სერობის ჟამებისა, სრულდება მთელ ბრწყინვალე შვიდეულში დიდი შაბათის ჩათვლით. თომას კვირიდან კი დაიწყება ჩვეულებრივი ჟამობა. გარდა საზოგადო ღმრთისმსახურებისა, მთელ ბრწყინვალე შვიდეულში პასექის ჟამთა საგალობლებს ასრულებენ მოწესენი და ერისკაცნი პირადი ყოველდღიური ლოცვის დროსაც, ნაცვლად ჩვეულებრივი (ძილისაგან აღდგომისა და ძილად მისვლის) ლოცვებისა.