გადიდებასტანდარტული მიწოდება — 2–5 სამუშაო დღე, თბილისში ექსპრეს მიწოდება — 1–4 სამუშაო დღე. 300 ₾-ზე მეტ შეკვეთაზე მიწოდება უფასოა.
საპატრიარქოს გამომცემლობამ „ალილო" გამოსცა ძალიან საინტერესო და საჭირო წიგნი, ინტერვიუ ბერძენ სასულიერო პირთან, დეკანოზ სტეფანე პულისთან.
აწ უკევ ღრმად მოხუცებული, მრავალი წიგნის ავტორი მამა სტეფანე 63 წელია, სამღვდელო მოღვაწეობას ეწევა. იგი უაღრესად გამოცდილი ადამიანია, მდიდარი გამოცდილების გაზიარება კი , ყველამ იცის, რომ ერთ-ერთი უმნიშვნელოვანესი რამ არის სულიერ ცხოვრებაში.
ძირითადი თემა, რომელსაც ინტერვიუ ეძღვნება, არის სულიწმიდა და მისი ძალმოსილი მოქმედება ეკლესიაში, აგრეთვე ქრისტე და საღმრთო ლიტურგია, როგორც ცენტრი და გულისგული სულიერი ცხოვრებისა. მოძღვარი საუბრობს აგრეთვე თავის ოჯახზე, ბავშვობის წლებზე, მღვდლობის მრავალწლიან გამოცდილებაზე და ძე ღვთისას მონაწილეობაზე მორწმუნეთა ცხოვრებაში.
ინტერვიუს შესავალი ეკუთვნის ათენის სახელმწიფო უნივერსიტეტის მაგისტრსა და დოქტორანტს ნინო საძაგლიშვილს, რომელსაც ხსენეულ მოძღვართან ცოცხალი და მადლმოსილი ურთიერთობის გამოცდილებამ მისი ქართველი მკითხველისთვის გაზიარება გადააწყვეტინა.
წიგნი საინტერესოა მრევლისთვის, ასევე სასულიერო პირებისთვისაც და მათთვის, ვინც ეკლესიურ ცხოვრებას აპირებს.
წიგნის ზომაა: 10x14.5 სანტიმეტრზე.
გვერდების რაოდენობაა 84.
