წმინდა ანასტასია, ნაზარეთის ხატი

ეს წმინდანი რომიდან იყო — ძალიან მშვენიერი, მდიდარი და სათნო ქალწული, პრეტექსტატუსისა და ფაუსტას ასული. ქრისტეს სარწმუნოება მას დედამ ასწავლა. წმინდანი ცოლად გაჰყვა პატრიკიოს პუბლიუსს, მფლანგველსა და უღმერთოს, მაგრამ მალე დაქვრივდა. ამის შემდეგ ის ფარულად დადიოდა ღარიბთა სახლებსა და საპყრობილეებში, სადაც ქრისტეს მოწამეები იყვნენ, და მათ ყოველდღიური საზრდოსთვის ყველაფერი საჭირო მიჰქონდა. ჭრილობებს ურეცხავდა, ბორკილებს ხსნიდა და მწუხარებაში ანუგეშებდა. ამასთან, რადგან წმინდანმა თავისი მეოხებით მრავალი განკურნა შელოცვების, წამლების, შხამებისა და სხვა მავნე ნივთიერებების ზიანისგან, მას „ფარმაკოლიტრია“ — „შხამთაგან მხსნელი“ ეწოდა. რადგან მისი საქმეების ამბავი მოედო, დიოკლეტიანეს მსახურებმა შეიპყრეს და მრავალი ტანჯვის შემდეგ 290 წელს ცეცხლში დაწვეს.