ღირსი ნექტარი ბიტელელი (XV)
Это житие есть на русском языке →This life is also in English →ღირსი ნექტარი ბიტელელი (ერობაში - ნიკოლოზი) ბულგარეთის დაბა ბიტელში (ბუტილში) დაიბადა. თურქების შემოსევის წინ მის დედას საღვთო ხილვით ყოვლადწმიდა ღვთისმშობელი ეჩვენა და ქმართან და შვილებთან ერთად გახიზნვა უბრძანა. წმიდანის მამამ ძესთან ერთად ბიტელის მახლობლად მდებარე უვეცხლოთა სავანეს მიაშურა და პახუმის სახელით ბერად შედგა. როცა ნიკოლოზმა სიჭაბუკის ასაკს მიაღწია, ათონის მთაზე გადავიდა.
ლოცვის, მარხვისა და შრომის საოცარ ღვაწლთან ერთად უფლის რჩეული გულმოწყალებითაც გამოირჩეოდა: ხელსაქმეში აღებულ ფულს მთლიანად გლახაკებს უნაწილებდა. 1500 წელს ღირსმა მამამ მშვიდობით შეჰვედრა სული უფალს.
