გადიდებასტანდარტული მიწოდება — 2–5 სამუშაო დღე, თბილისში ექსპრეს მიწოდება — 1–4 სამუშაო დღე. 300 ₾-ზე მეტ შეკვეთაზე მიწოდება უფასოა.
წიგნის მონაცემებია:
წიგნის ზომაა 24.5X32.5 სანტიმეტრი
გვერდების რაოდენობა 1724 გვერდი
ტყავის ყდა ჭედურობით არის გამშვენებული
წიგნი დაბეჭდილია ბიბლიის ქაღალდზე
ფერადი ბეჭდვა, ხატები ოქროთია გამშვენებული
ბიბლიის ახალი გამოცემა ყოველმხრივ ორიგინალურია: როგორც ტექსტის სამეცნიერო და საეკლესიო ღირებულებით, ასევე მხატვრული თვალსაზრისით.
„ღმერთმა აკურთხოს ბიბლიის ძველი ქართული ტექსტის გამომცემელნი და ყოველნი ამ საღვთო საქმისთვის დამაშვრალნი.“
ამგვარად დალოცა სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, უწმიდესმა და უნეტარესმა ილია მეორემ ის ადამიანები, ვინც თავდადებულად იღვაწეს ბიბლიის სრული ძველ ქართული ტექსტის დადგენაზე და შემდეგ გამოცემაზე - სწორედ იმ არაჩვეულებრივი სახით, რომელიც დღეს საქართველოს საპატრიარქოს გამომცემლობა „ალილოს“ ძალისხმევით შეიძინა ჩვენმა ეკლესიამ, როგორც უდიდესი განძი.
ტექსტზე წლების განმავლობაში მუშაობდა ცნობილი ფილოლოგი და თეოლოგი ედიშერ ჭელიძე, ხატები საგანგებოდ ბიბლიისთვის დაწერა ხატმწერმა თემურ ყაზახაშვილმა, ტექსტი ორნამენტებით გაამშვენა ქრისტინე ბურჯანაძემ.
პოლიგრაფიულად „ბიბლია“ უმაღლესი ტექნოლოგიით და საუკეთესო მასალებით შესრულდა. ტყავის ყდას ამკობს ორიგინალური ჭედურობა, რომლის ესკიზები საგანგებოდ ამ წიგნისთვის შეიქმნა.
ხატები მაღალტექნოლოგიურადაა დამუშავებული და ფონად მოსდევს ფენილი ოქრო. წიგნი დაბეჭდილია საგანგებოდ ბიბლიისთვის განკუთვნილ საუკეთესო ხარისხის ქაღალდზე.
უწმინდესი პატრიარქის მილოცვა დამოწმებულია მისი პირადი ხელრთვით, რომელიც უწმინდესმა და უნეტარესმა ჩვენი გამოცემისთვის შეასრულა.
წიგნი დაბეჭდილია მცირე ტირაჟით. თითოეულ ეგზემპლარს მოსდევს სახელობითი გრაგნილი, რომლშიც აღნიშნული იქნება მფლობელის ვინაობა.
დაე, ქრისტესმიერი სიხარულით აღივსოს „ბიბლიის“ თითოეული მფლობელის გული
და ღვთიური სინათლით გაბრწყინდეს.
