წმინდა სპირიდონი, ნაზარეთის ხატი

ხსენების დღე: 12 (25) დეკემბერი

სპირიდონი, ეკლესიის ღმერთშემოსილი მამა, კერკირის დიდი მფარველი და ყველა მართლმადიდებლის სიქადული, კვიპროსელი იყო. ის უბრალო ხასიათისა და გულით თავმდაბალი იყო. ცოლი რომ შეირთო, მისგან ასული შეეძინა, რომელსაც ირინე დაარქვეს. მეუღლის გარდაცვალების შემდეგ ის ტრიმითუნტის ეპისკოპოსად დაადგინეს. როცა ნიკეაში პირველი მსოფლიო კრება შეიკრიბა, ისიც ესწრებოდა და თავისი უბრალოდ უბრალო სიტყვებით დაუხშო პირი თავიანთ თავში ბრძენ არიანელებს. მასში დამკვიდრებული ღვთის მადლით ისეთ დიდ სასწაულებს აღასრულებდა, რომ საკვირველთმოქმედი ეწოდა. ასე, სამწყსოს ღვთისმოსავად და ღვთისსათნოდ მწყემსვის შემდეგ, დაახლოებით 350 წელს უფალში განისვენა და თავის ქვეყანას წმინდა ნაწილები დაუტოვა, მორწმუნეთა ნუგეშად და კურნების წყაროდ.