მარადიული შეწევნის ღვთისმშობელი, ბიზანტიური ხატი

ხელნაკეთი ბიზანტიური ხატი: მარადიული შეწევნის ღვთისმშობელი.

ღვთისმშობლის სასწაულმოქმედი ხატი „მარადიული შეწევნა“ ათონის მთაზე, კუტლუმუშის მონასტერში ბრძანდება. ის აქ მას შემდეგ მოაბრძანეს, რაც კრეტაზე მონასტრის მეტოქი დიდმა ხანძარმა მთლიანად გაანადგურა და მხოლოდ ეს ხატი გადარჩა.

ღვთისმშობლის ხატი დღემდე აღასრულებს სასწაულებს კათოლიკონის ტემპლონიდან, ხოლო აღდგომის შემდგომი (ბრწყინვალე) კვირის სამშაბათს მას ლიტანიით მიაბრძანებენ მონასტრიდან პროტატონში, სადაც „ღირს არს“ ხატის ვიზიტს უბრუნებს, რომელიც წინა დღეს კუტლუმუშის მონასტერში შედგა.

ლოცვა ღვთისმშობლისადმი „მარადიული შეწევნა“

ჵ, დედაო მარადიულისა შეწევნისაო, მომმადლე, რაჲთა მარადის მოვუწოდებდე ყოვლადძლიერსა სახელსა შენსა, რომელი არს ზღუდე ცოცხალთა და ცხორებაჲ მომაკუდავთა. ჵ, უწმიდესო მარიამ, ჵ, უტკბილესო მარიამ, ამიერითგან სახელი შენი მარადის იყოს ბაგეთა ჩემთა ზედა.

ხატი „ღვთისმშობელი მარადიული შეწევნა“ ბიზანტიური ხელოვნების ზუსტი ასლია. გამოცდილი ოსტატები მას ოქროთი ბეჭდვის მეთოდით ქმნიან: ფონი 22-კარატიანი ოქროს ხატწერის ფურცლებით დეტალურად იფარება.

საბოლოო დამუშავებისას ხატი პერიმეტრზე მუქი წითლით იღებება და სპეციალური ლაქით იპრიალება, რათა ბზინვარება შეინარჩუნოს.

იგი იწარმოება ბრტყელ ან ჩაღრმავებულ ხის ფუძეზე და კედელზე დასაკიდებლად არის მორგებული.