წმინდა ამბროსი, ბიზანტიური ხატი

ხსენების დღე: 7 (20) დეკემბერი

ეს წმინდანი 340 წელს გალიაში დაიბადა და რომის სენატის წევრი იყო. მილანის არიანელი ეპისკოპოსის, ავქსენტის, სიკვდილის შემდეგ მართლმადიდებლებსა და არიანელებს შორის სასტიკი დავა დაიწყო იმაზე, თუ ვინ შეცვლიდა მას. ამბროსი, როგორც პროვინციის მმართველი, მშვიდობის აღდგენის მიზნით, მათ შორის შუამავლობას ცდილობდა. როცა ხალხს მიმართავდა და მჭევრმეტყველებით არწმუნებდა, ახალი ეპისკოპოსი უშფოთველად აერჩიათ, ზეგარდმო შთაგონებულმა პატარა ბავშვმა უეცრად შესძახა: „ამბროსი ეპისკოპოსად!“ მის გასაოცრად და შესაწუხებლად, ხალხმა მაშინვე აიტაცა ეს ძახილი და, მრავალი პროტესტის მიუხედავად, 374 წლის 7 დეკემბერს მილანის საეპისკოპოსო ტახტზე აიყვანეს. ეკლესიის დიდმა მამამ ლათინურად მრავალი თხზულება დაწერა; ის არიანელობის დაუღალავი მოწინააღმდეგე და იმპერატორების უშიში მამხილებელი იყო, როცა ისინი ღვთის სჯულს არღვევდნენ. ორმოცდაჩვიდმეტი წლის ცხოვრების შემდეგ ის 397 წლის 4 აპრილს, აღდგომის წინა დღეს მიიცვალა.