წმინდა მაქსიმე აღმსარებელი, ძველებურად გაფორმებული ბიზანტიური ხატი

ხსენების დღე: 21 იანვარი (3 თებერვალი)

ღვთაებრივი მაქსიმე, კონსტანტინოპოლელი, სახელოვანი ოჯახიდან იყო. ის სიბრძნის მოყვარე და გამოჩენილი ღვთისმეტყველი იყო. თავდაპირველად იმპერატორ ჰერაკლესა და მისი შვილიშვილის, კონსტანტის, პირველი პირადი მდივანი იყო. მაგრამ როცა სამეფო კარზე მონოთელიტური მწვალებლობა გაბატონდა, ამ ცთომილებისადმი სიძულვილით წმინდანი ქრისოპოლისის (სკუტარის) მონასტერში წავიდა, რომლის წინამძღვარიც მოგვიანებით გახდა. როცა კონსტანტი ცდილობდა, ეიძულებინა, ან მონოთელიტური სწავლება მიეღო, ან მის წინააღმდეგ ლაპარაკი და წერა შეეწყვიტა — არც ერთს წმინდანი არ დათანხმდა, — ენა ამოჰგლიჯეს, მარჯვენა ხელი მოჰკვეთეს და გადაასახლეს, სადაც ის 662 წელს აღესრულა. იმ დროს აღმოსავლეთში მხოლოდ ის და მისი რამდენიმე მოწაფე იყვნენ მართლმადიდებლები.