ხელნაკეთი ბიზანტიური ხატი: წმინდა მოციქულები პეტრე და პავლე.
წმინდა მოციქულები პეტრე და პავლე იესო ქრისტემ მოციქულებად აირჩია, რომ სახარება ესწავლებინათ როგორც იუდეველებისთვის, ისე წარმართი ხალხებისთვის.
მოციქული პეტრე გალილეის ბეთსაიდიდან იყო და ხელობით მეთევზე გახლდათ. გენესარეთის ტბასთან, სადაც ის ძმასთან, ანდრიასთან ერთად თევზაობდა, იესო ქრისტეს შეხვდნენ და ერთგულად გაჰყვნენ მას.
მოციქული პავლე წარმართად დაიბადა კილიკიის ტარსუსში, მაგრამ დამასკოსკენ მიმავალს სასწაულებრივად გამოეცხადა იესო ქრისტე და ასე მიიღო ქრისტიანობა.
ისინი ჩვენი ეკლესიის უმთავრესი მოციქულები არიან, რომლებიც თავიანთი მოგზაურობისას ჭეშმარიტებასა და ღვთის სიტყვას ქადაგებდნენ. ორივემ რომში მოწამეობრივად დაასრულა სიცოცხლე.
ტროპარი
მოციქულთა პირველ-საყდარნო და სოფლისა მოძღუარნო, ყოველთა მეუფესა ევედრენით, რაჲთა მშჳდობაჲ მოანიჭოს სოფელსა და სულთა ჩუენთა დიდი წყალობაჲ.
კონდაკი
მტკიცენი და ღმრთისმეტყუელნი ქადაგნი და თავნი მოწაფეთა შენთანი, უფალო, შეიწყნარენ განსასუენებელსა კეთილთა შენთასა, რამეთუ შრომანი მათნი და სიკუდილი მიითუალე უფროჲს ყოველთა მსხუერპლთა, მხოლოო, რომელმან იცი დაფარულნი გულთანი.
ხატი „წმინდა მოციქულები პეტრე და პავლე“ ბიზანტიური ხელოვნების ზუსტი ასლია. გამოცდილი ოსტატები მას ოქროთი ბეჭდვის მეთოდით ქმნიან: ფონი 22-კარატიანი ოქროს ხატწერის ფურცლებით დეტალურად იფარება.
საბოლოო დამუშავებისას ხატს კიდეებზე მუქი წითელი ფერი ესმება და სპეციალური ლაქით პრიალდება, რომ ბზინვარება შეინარჩუნოს.
იგი იწარმოება ბრტყელ ან ჩაღრმავებულ ხის ფუძეზე და კედელზე დასაკიდებლად არის მორგებული.
გადიდება
