წინასწარმეტყველი ზაქარია, ხელნაწერი ხატი

ხსენების დღე: 8 (21) თებერვალი

წინასწარმეტყველი ზაქარია ბარაქიას ძე და წინასწარმეტყველ ანგეოსის თანამედროვე იყო. ბაბილონის ტყვეობის დღეებში ის წინასწარმეტყველებდა, როგორც ეზრას წიგნშია ნათქვამი, „იუდეველთათვის, რომლებიც იუდასა და იერუსალიმში იყვნენ“, და ზორობაბელს იერუსალიმის ტაძრის აღდგენაში შეეწია. ეზრას წიგნში მას „ზაქარია, ადოს (ანუ იდოს) ძე“ ეწოდება, თავის წინასწარმეტყველურ წიგნში კი უფრო სრულად — „ზაქარია, ბარაქიას ძე, ადო წინასწარმეტყველის ძისა“. როცა ტყვეები ბაბილონიდან დაბრუნდნენ, ის სიბერეში იერუსალიმში დასახლდა. მისი წინასწარმეტყველების წიგნი თოთხმეტ თავად იყოფა და მცირე წინასწარმეტყველთა წიგნებს შორის მეთერთმეტეა; მისი სახელი ნიშნავს „იაჰვე სახელოვანია“. სოზომენე გადმოგვცემს, რომ იმპერატორ ჰონორიუსის დროს ზაქარიას წმინდა ნაწილები პალესტინის ელევთეროპოლისში იპოვეს. წინასწარმეტყველი სიზმარში გამოეცხადა ვინმე კალემეროსს და უთხრა, სად ეპოვა მისი საფლავი. მისი სხეული უხრწნელი აღმოჩნდა.