ხელნაკეთი ბიზანტიური ხატი: წმინდა კოზმანი ეტოლიელი.
წმინდა კოზმანი 1714 წელს ეტოლიის ერთ სოფელში დაიბადა და ღვთისმოსავი აღზრდა მიიღო. ოცი წლისამ საჭირო განათლება ვატოპედის მონასტრის სასწავლებელში მიიღო.
ათონის შემდეგ, თავისი ცოდნის თურქული უღლის ქვეშ მყოფი ხალხისთვის გადაცემის სურვილით, ძმისგან, ქრისანთესგან, რიტორიკის ხელოვნება ისწავლა და მთელი საბერძნეთი მოიარა ღვთის სიტყვის სასწავლებლად.
მისი შეწევნით ათობით ეკლესია და სკოლა აშენდა, მაგრამ მრავალი მის წინააღმდეგ აღდგა, რასაც 1779 წელს ჩრდილოეთ ეპირის კოლიკონდასში მისი ჩამოხრჩობა მოჰყვა.
მსოფლიო საპატრიარქომ ის 1961 წელს შერაცხა წმინდანად.
კოზმან ეტოლიელის ტროპარი
გალობით ვაქებდეთ სახელოვანსა კოზმანს, რომელიცა დიდებულად გამოჩნდა მოწამეთა, მღდელთა და მოღუაწეთა მწყობრსა შორის, და შევკრბეთ ქებად ჴსენებისა მისისა, რამეთუ მიჰმადლებს კურნებასა სარწმუნოებით მისდა მოლტოლვილთა, ვინაჲთგან, ვითარცა მოციქულთა სწორსა, აქუს კადნიერებაჲ ქრისტეს მიმართ.
ხატი „წმინდა კოზმანი ეტოლიელი“ ბიზანტიური ხელოვნების ზუსტი ასლია. გამოცდილი ოსტატები მას ოქროთი ბეჭდვის მეთოდით ქმნიან: ფონი 22-კარატიანი ოქროს ხატწერის ფურცლებით დეტალურად იფარება.
საბოლოო დამუშავებისას ხატი პერიმეტრზე მუქი წითლით იღებება და სპეციალური ლაქით იპრიალება, რათა ბზინვარება შეინარჩუნოს.
იგი იწარმოება ბრტყელ ან ჩაღრმავებულ ხის ფუძეზე და კედელზე დასაკიდებლად არის მორგებული.
გადიდება
