მენელსაცხებლე დედები, ბიზანტიური ხატი

ხელნაკეთი ბიზანტიური ხატი: მენელსაცხებლე დედები საფლავთან.

მენელსაცხებლე დედები ერთგულად მიჰყვებოდნენ იესო ქრისტეს ქადაგებისას, შემდეგ კი, დაკრძალვისას, კვლავ მასთან იყვნენ და მის სხეულს ნელსაცხებლით სცხებდნენ. მათ პირველებმა მიიღეს უფლის ანგელოზისგან იესო ქრისტეს აღდგომის ამბავი და ეს სიხარული მოწაფეებს აუწყეს.

ცნობილი შვიდი მენელსაცხებლე დედაა: მარიამ მაგდალინელი, სალომე, იოანა (ქუზას ცოლი), მარიამი და მართა (ლაზარეს დები), მარიამ კლეოპასი და სუსანა.

ჩვენი ეკლესია მენელსაცხებლე დედათა ხსოვნას აღდგომიდან მეორე ან მესამე კვირას აღნიშნავს, რომელსაც მენელსაცხებლე დედათა კვირა ეწოდება.

მენელსაცხებლე დედათა კვირის კონდაკი

მენელსაცხებლეთა ხარებაჲ უბრძანე, და პირველისა დედისა ევაჲს გოდებაჲ დააცხრვე აღდგომითა შენითა, ქრისტე ღმერთო, ხოლო მოციქულთა შენთა ქადაგებად უბრძანე: აღდგა მაცხოვარი საფლავით.

ხატი „მენელსაცხებლე დედები საფლავთან“ ბიზანტიური ხელოვნების ზუსტი ასლია. გამოცდილი ოსტატები მას ოქროთი ბეჭდვის მეთოდით ქმნიან: ფონი 22-კარატიანი ოქროს ხატწერის ფურცლებით დეტალურად იფარება.

საბოლოო დამუშავებისას ხატი პერიმეტრზე მუქი წითლით იღებება და სპეციალური ლაქით იპრიალება, რათა ბზინვარება შეინარჩუნოს.

იგი იწარმოება ბრტყელ ან ჩაღრმავებულ ხის ფუძეზე და კედელზე დასაკიდებლად არის მორგებული.