Тропари и кондаки
Тропарь: Упование и Прибежище христиан, Заступнице непостыдная, Ходатаице ко Творцу приятная и благоприятная, не презри грешных молений гласы, но предвари, яко Благая, на помощь нам, верно вопиющим Ти, Едина Благословенная: ускори на молитву, потщися на умоление и буди милостивою Покровительницею, предстательствующая присно, Богородице, чтущих Тя.
Тропарь: Спаси, Господи, люди Твоя и благослови достояние Твое, победу на варвары богохранимому народу Твоему Крестом даруя и под покровом его сохраняя, да глаголем: Господи, слава Тебе.
Другой тропарь: Крест — хранитель всея вселенныя, Крест — красота Церквей, Крест — царей держава, Крест — верных помощник, Крест — Ангелов слава и бесов сокрушитель.
Тропарь: Предтече и Крестителю Иоанне, пустыни жителю, слышавший Божественный глас Отца, сподобившийся крестить Сына и Господа и бывший зрителем Святого Духа, всем проповедавший крещение покаяния, и нам, грешным, буди ходатай, да молитвами твоими получим прощение грехов.
Кондак: Проповеднику покаяния, грешных призывающему, и горлице святой, пустыню любящей, ласточке, сладко поющей, и щеглу доброгласному, Крестителю Христову с умилением припадем, верные, да испросит нам у Христа оставление грехов и душам нашим велию милость.
Переходящий
Тропарь: Небесных воинств Архистратизи, молим вас мы, недостойнии, да вашими молитвами оградите нас кровом крил невещественныя вашея славы, сохраняюще нас, припадающих и с воздетыми руками вопиющих: от волнений и искушений избавите нас, великие начальницы вышних сил.
Кондак: Архистратизи Божии, служителие Божественныя славы, Ангелов начальницы и заблудших наставницы, полезное и нам испросите и велию милость, безплотных сил чиноначальницы.
Тропарь: Пророка Твоего (имя), Господи, память празднуем; того молитвами, Христе Боже, спаси души наша.
Кондак: Просветилось Духом Святым сердце твое, и ты стал светлым приемником пророчества, ибо видел все настоящее и будущее; посему чтим тебя, пророче (имя) преславне.
Тропарь: Апостоли святии, молите милостиваго Бога, да прегрешений оставление подаст нам и душам нашим велию милость.
Кондак: Твердыя и богогласныя проповедники, верх ученик Твоих, Господи, приял еси в наслаждение благих Твоих и покой: болезни бо онех и смерть приял еси паче всякаго всеплодия, Едине сведый сердечная.
Тропарь: Мученик Твой, Господи, (имя), во страдании своем венец прият нетленный от Тебе, Бога нашего: имеяй бо крепость Твою, мучителей низложи, сокруши и идолов немощную силу. Того молитвами, Христе Боже, спаси души наша.
Тропарь: Страсти святых Твоих, яже за Тя пострадаша, приими ныне в ходатайство за нас, Господи, и вся наша болезни исцели, Человеколюбче, молимся.
Кондак: Яко звезда светлая возсиял еси, неблудное Солнце Христа возвещая, лучами Его просвещенный, страстотерпче (имя); прелести множество до конца угасил еси, нам же подаеши сугубый свет и молишися непрестанно о всех нас.
Тропарь: Правилом веры, образом кротости и учителем воздержания соделал тебя Христос для стада твоего воистину; потому ты стяжал смирением высокое и нищетою богатство, святителю (имя), моли Христа Бога помиловать души наша.
Тропарь: Боже отец наших, творяй присно с нами по Твоей благости, не отстави милость Твою от нас, но молитвами их в мире управи живот наш.
Кондак: Божественнаго грома труба духовная, верных утверждение и ересей прогонителю, Троицы служителю, великий святителю (имя), со Ангелы предстояй присно, моли Христа Бога непрестанно о всех нас.
Тропарь: Пустынный житель, и в телеси ангел, и чудотворец явился еси, богоносе отче наш (имя), постом, бдением, молитвою небесная дарования приим, исцеляеши недужныя и души верою притекающих ти. Слава Давшему ти крепость, слава Венчавшему тя, слава Действующему тобою всем чудеса.
Кондак: Чистотою душевною Божественне вооружився и непрестанную молитву, яко копие, в руку приим, крепко пробол еси бесовское ополчение, чудотворче отче (имя), моли Бога непрестанно о всех нас.
Тропарь: В тебе, отче, известно спасеся еже по образу: приим бо крест, последовал еси Христу, и дея учил еси презирати убо плоть, преходит бо, прилежати же о души, вещи безсмертней; темже и со Ангелы срадуется, блаженне (имя), дух твой.
Тропарь: Слез твоих теченьми пустыни безплодное возделал еси, и иже из глубины воздыханьми во сто трудов уплодоносил еси, и был еси светильник вселенней, сияя чудесы, отче святый (имя), моли Христа Бога помиловать души наша.
Тропарь: Православия наставниче, благочестию учителю и чистоте, вселенныя светильниче, архиереев богодухновенное правило, (имя) премудре, учении твоими вся просветил еси, цевнице духовная: моли Христа Бога помиловать души наша.
Тропарь: Боже отец наших, творяй присно с нами по Твоей благости, не отстави милость Твою от нас, но молитвами их в мире управи живот наш.
Тропарь: Глубиною мудрости человеколюбно вся строяй и полезное всем подаваяй, Едине Содетелю, упокой, Господи, души раб Твоих: на Тя бо упование возложиша, Творца всех и человеколюбиваго Бога.
Кондак: Со святыми упокой, Христе, души рабов и рабынь Твоих, идеже несть болезнь, ни печаль, ни скорбь, ни воздыхание, но радость и жизнь безконечная.
